2015 Samurai kampiyon sa Division 3 sa USC-NABC
CEBU, Philippines — Ang 2015 Samurai miduslak sa 2013 District, 74-60 sa tagakay nga duwa sa ilang best-of-three finals series aron langkaton ang kampiyonato sa Division 3 sa University of San Carlos-North Alumni Basketball Conference (USC-NABC) Cebu City Mayor's Cup 2019 niadtong Domingo didto sa USC-North Campus gym.
Si Francis Galado mikulit og 14 puntos, upat ka assists ug duha ka rebounds alang sa Samurai hinungdan nga siya maoy gibayaw nga Finals Most Valuable Player.
Nalakip sab siya sa Mythical Five uban nilang Dave Guardiario ug Anthony Romaguerra sa Batch 2011 ug Dolan Adlawan ug King Osabel sa Batch 2013.
Si Angelo Delcampo mitimbre og 14 puntos, samtang si Emman Bautista midugang og 12 puntos alang sa Samurai nga mi-rally sa ikatulong kuwarter aron payak-on ang Batch 2013.
Alkansi og dos puntos sa halftime, 28-30, ang Samurai milusad og 30-9 run aron pag-ilog niini sa labaw human sa tulo ka kuwarter, 58-39 ug wala na molingi pa sukad niadto. Si Osabel mikolekta og 22 puntos, samtang sila si Dolan Adlawan ug Michael Balankig nagkumbinar og 25 puntos sa pilderong District.
- Latest
