FYA Season 24 buksan karong domingo
Yoyo R. Abayan (Banat) - October 23, 2019 - 12:00pm

CEBU, Philippines —Walo ka teams ang magbangga sa pagsikad sa FYA Basketball League Season 24  Soontit Construction Cup 2019-2020 karong Domingo (Oktubre 27)  diha sa Atillo gym sa Punta Princesa, Dakbayan sa Sugbo.

Sa dili pa ang  pinaksitay, usa ka simpleng seremonyas sa pagbukas ang ipahigayon sa alas-8 sa buntag nga pagatambongan sa mga opisyales sa FYA nga gipangulohan sa presidente nilang si Dexter Caballero.

Pinasidunggang dinapit ug mamumulong mao si Brgy. Capt. Atty. Jhun Andales uban ni konsehal  Boy Atillo, kinsa mohatag sa iyang welcome remarks.

Si Mclain  Alkuino maoy molitok sa invocation prayer, samtang si Justine Urot, ang season 23 MVP maoy mangu sa oath of sportsmanship.

Molamas sa maong programa mao ang pagpili og 'best in uniform' ug 'best muse'.

Ang walo ka koponan uban sa ilang team managers mao ang Harold's Hotel ni Arnel Trinidad, Purefit Gym ni Mclain Alkuino, Masterline ni Noel Medalle, Yoyi's Pastries & Desserts ni Ahlmark Albarracin, Island Hot Wings ni Junrey Arreglo, AVTES nilang Allen Tulod ug Macky Macachor, Nevaeh Sales Trading/Central Ice Cream nilang Jofel Tejada ug Noel Medalle ug Pub Gee Resto Bar ni Boyet Duran.

Masayran ang mga duwa  pinaagi sa 'bunot-bunot' nga pagabunoton ni FYA president Dexter Caballero.

Magsugod ang duwa sa alas-8:30 sa buntag, sundan sa ikaduhang duwa sa alas-10 sa buntag ug dayon sa alas-11:30 sa buntag ug ala-1 sa hapon.

Sama sa miaging season, ang torneyo mosubay og single round robin format sa elimination.  Ang top 4 armado og 'twice-to-beat' advantage sa quarterfinals.

Ang no. 1 moharong sa no. 8, no. 2 batok no. 7, no. 3 batok no. 6 ug no. 4 batok no. 5.

Ang mga mananaog moabante sa knockout semifinals.  Ang molahutay maoy magtigi  sa kampiyonato, samtang ang mga pildero magsangka alang sa ikatulong puwesto.

 

 

 

KONSEHAL PRAYER
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with