CEBU, Philippines — Kumpleto na ang semifinalists sa University of San Carlos-North Alumni Basketball Conference (USC-NABC) Cebu
City Mayor's Cup 2019 diha sa USC-North Campus gym.
Sa senior division, ang wa'y pildeng Siargao Wave Riders 1996 makigtakus sa 1985 Legends, samtang ang 1990 Titans
makigbugno sa 1988 Barako sa knockout semis karong weekend.
Ang Legends mi-abante sa Final Four human gitagak ang 1987 Bros, 73-46, samtang ang Titans nagpabiling buhi
human gipalagpot ang 1982 Golden Warriors, 75-65.
Si Lou Regidor maoy nangu sa Legends uban ang 26 puntos ug 19 ka rebounds, samtang si Hector Lawas maoy bida sa
Titans uban ang 17 puntos ug 10 ka rebounds.
Sa Division 1 semis, magtige ang Ninety Niners batok sa 1996 Chubbies ug ang 1998 Sipat batok sa 1997 Ronins.
Sa Division 2 magtinagakay ang 2003 Stallions batok sa 2002B Goats ug ang 2001A Shipmen batok sa 2005 Chameleons,
samtang magpinaksitay sa Division 3 ang 2013 District batok sa 2008 Fly Boys ug ang 2011 Sharks batok sa 2015 Samurais.