Eagles gidagit ang Rams sa Elite caging
CEBU, Philippines — Si JL Manila maoy milugwa nga bida sa dihang gilamornas sa Eagles ang Rams, 76-60, sa Elite Basketball Club-Cebu Season 16 diha sa Visayas Glass gym sa Barangay Guadalupe ning dakbayan sa Sugbu.
Mikimada si Manila og 19 puntos uban ang upat ka steals, upat ka assists ug duha ka rebounds aron pag-angkon niini sa dungog isip player of the game.
Nagparamdam sab si Jojo Arano uban ang 15 puntos alang sa Eagles nga milusad og bagsik nga ataki sa ikaduhang kuwarter aron buntogon ang Rams.
Biya og siyete puntos 11-18 human sa unang kuwarter, ang Eagles milusad og nagbagang 19-4 rally aron pag-ilog niini sa labaw sa hingpit atol sa halftime, 30-22.
Si Oliver Sanoy mikadlit og 25 puntos samtang si Careem Micarandayo dunay 11 puntos apan nakawang ang ilang paningkamot sa Rams.
Sa laing duwa, si Ian Cabanero mibahug og 18 puntos, siyam ka rebounds ug upat ka assists aron pangulohan ang Wolves ngadto sa 86-78 nga pagpakaging sa Scorpions.
Si Dexter Cabasan mitali sab og 18 puntos samtang si Paolo Georsua mi-iskor og 17 alang sa Wolves, nga wala na molingi sikad naglabaw sa first half og 17 puntos, 46-29.
Sila SI Paul Torrecampo ug Keaton Taburnal nagkumboya og 45 puntos sa pilderong Scorpions.
- Latest