Curry mas mobangis sunod season

CEBU, Philippines — Mipasidaan si Golden State Warriors coach Steve Kerr ngadto sa ubang koponan tungod kay nakaseguro siya nga  magbangis si Stephen Curry sa sunod season sa NBA nga buksan sa hinapos nga bahin ning bulana.

Si Kerr miingon nga lahi nga Curry ang iyang nakita karon sa team practice tungod kay puno kini sa determinasyon nga ang Warriors gihapon ang numero unong koponan sa West bisan pa sa paghawa ni Kevin Durant.      Sa edad nga 31-anyos, si Curry ang labing edaran karon sa Warriors' line-up, apan si Kerr nagtuo nga  kompletong player karon ang ex-MVP tungod sa iyang kasinatian.

Ang five-year veteran nga si Curry mi-average og 27.3 points sa miaging season, apan gilauman ni Kerr nga mosaka pa kini sa 2019-2020 season tungod kay si Curry ang numero unong opsyon karon sa opensa.

Gawas nga wala na si Durant, dugay pa usab makabalik og duwa ang laing high-scorer sa Warriors nga si Klay Thompson nga nagpaalim sa iyang knee injury.