2-0 puntarya sa Columbian dyip
CEBU, Philippines — Tuyo sa Columbian Dyip nga moratsada sa ikaduha nilang daog dihang ilang banggaon ang Rain or Shine Elasto Painters sa PBA Governors' Cup didto sa Smart Araneta Coliseum.
Ang duwa sugdan sa alas-4:30 sa hapon.
Midaog ang Columbian Dyip batok sa Alaska Aces sa iskor nga 117-110 sa una nilang duwa niadtong Biyernes.
Sa pagpangulo ni rookie CJ Perez, ang Columbian gusto mamawi aron makakuha og luna sa playoffs karon nga conference.
Gawas ni Perez, laing saligan ni coach John Cardel mao ang import niyang si Khapri Alston nga mibusdak og 38 puntos sa ilang kadaogan batok sa Alaska.
Sa ilang bahin, ang Painters gusto sab nga makabangon human mapukan ngadto sa NorthPort Batang Pier, 99-94 niadtong Biyernes.
Sa main game sa alas- 6:45 sa gabii, ang Alaska moharong sa Barangay Ginebra.
- Latest
