Yaw-Yan magsaulog sa ika-47 nilang anibersaryo
CEBU, Philippines — Ang Yaw-Yan ArDigma Martial Arts Federation, Inc. magsaulog sa ilang 47th founding anniversary karong gabii didto sa ilang gym sa may dalan Sanciangko, Dakbayan sa Sugbo.
Sugdan ang selebrasyon pinaagi sa Santos nga Misa sa ala-5 sa hapon.
Si Day-as Barangay Captain Freddie Esmas, nga usa ka avid fan ug martial arts supporter, maoy pinasidunggang dinapit ug mamumulong sa maong kalihukan nga usa ka nasudnong selebrasyon sa Philippine Yaw-Yan Martial Arts.
Ang Yaw-Yan unang gipaila niadtong 1972 didto sa Sta. Cruz Manila ni Grand Master Napoleon 'Nap' Fernandez, ang originator sa Yaw-Yan.
Daghan ang mga gilinyang aktibidadis sa maong kasaulogan nga naglakip sa demonstration sa mga Yaw-Yan techniques ug ang tradisyonal nga baptismal rites.
"The old and new members of Yaw-Yan Cebu will have a get together. This is a night of celebration and strengthening the bond of Yaw-Yan brotherhood and sisterhood," matud pa ni Yaw-Yan ArDigma Cebu founder Master Benigno 'Ekin' R. Caniga Jr.
- Latest