Abueva niduwa inter-barangay nga liga

CEBU, Philippines – Wala pa gani malibkas ang suspensiyon nga gipahamtang kaniya sa PBA, nakahimo na  sab og laing salaod si Calvin Abueva ug ang Phoenix Fuel Masters na ang mosilot kaniya.

Si Abueva nga gidid-an pa nga moduwa sa PBA human sa indefinite suspension nga gisagpa  kaniya ni PBA Commissioner Willie Marcial, nasakpan sa  kadagkoan sa Phoenix nga miduwa og usa ka  liga sa barangay nga dakong kalapasan sa patakaran sa PBA.

Si Abueva nakuhaan og video nga miduwa og usa ka inter-barangay tournament didto sa Montalban nga wala mananghid sa kadagkoan sa Fuel Masters. Katapusang nakaduwa si Abueva sa PBA niadtong Hunyo 2.Silot nga indefinite suspension ug multa nga P70,000 ang gipahamtang sa PBA kaniya tungod sa mga seryosong kalapasan.