CEBU, Philippines — Bisan pa sa hapsay nga dagan sa ilang kampanya sa Commissioner's Cup, ang Blackwater Elite mikuha gihapon og bag-ong import nga si Jameel McKay hulip ni Alex Stephenson.
Si Stephenson dako og natampo sa kampanya sa Elite diin aduna sila karo'y 4-2 nga baraha, apan si coach Aris Dimaunahan mihukom nga ilisan kini kay nagkagrabe ang pagsakit sa tiyan niini.
Ang 6-foot-9 nga si McKay giisip hinuon nga maayong ipuli ni Stephenson. Ang kanhi US NCAA standout nga si McKay usa na ka veteran import nga miduwa didto sa Iceland, Australia, Japan ug Lithuania.