Roach nalipay sa gipakita ni Pacquiao
CEBU, Philippines — Gibati og tumang kalipay si Hall of Fame trainer Freddie Roach sa gipakita ni Manny Pacquiao sa una niining adlaw didto sa iyang Wild Card Gym sa Hollywood, California.
"I was very pleased with Manny's first day at Wild Card. Assistant trainer Buboy Fernandez and strength and conditioning coach Justin Fortune have him in great condition for the rigors of this part of training camp," matud pa ni Roach.
Midugang si Roach nga gipasobraan pa gani ni Pacquiao ang gidaghanon sa mga hugna nga ilang gitagana alang sa sparring.
Ang gipakita ni Pacquiao timaan lamang nga ang bugtong eight-division world champion sa kasaysayan seryoso ug determinado kaayo sa iyang pagpangamdam sa giatngan nilang WBA welterweight championship bout ni Keith Thurman karong Hulyo 21 didto sa MGM Grand sa Las Vegas, Nevada.
Mao kini ang hinungdan nganong si Roach kampanti kaayong si Pacquiao modaog ni Thurman bisan og ang Pinoy'ng senador mas tiguwang og 10-anyos sa Amerikano niining karibal nga wala pa'y pilde sud sa 29 ka away.
- Latest
