CEBU, Philippines — Gikuwestiyon ni San Miguel Beermen star forward Arwind Santos ang gihimong lakang sa ilang coach nga nakapilde kanila batok sa Barangay Ginebra, 107-110 sa overtime.
Si Santos nagkanayon nga wala siya kaandam dihang kalit siyang gipasud ni coach Leo Austria sa krusyal nga segundos sa overtime ug wala siya masayod sa himuong play.
"Nagulat talaga ako nung last play kasi unang-una, hindi ko alam yung play, kasi alam ko tatapusin na ni Christian yun," matud pa ni Santos sa Spin.ph. "Para sa akin, bad decision yun dahil hindi naman ako… dapat dun sa play pa lang namin, crucial yun eh, wag ka mag-shuffle, kasi hind ko alam."
Nagtuo si Santos nga si Christian Standhardinger ang gamiton ni Austria alang sa maong krusyal nga play, apan kalit siyang gibira ni Austria.
Gawas nga wala siya kaandam, si Santos miingon nga wala kaayo siya katarong og ensayo uban sa koponan tungod kay gikan pa siya mirekober sa injury. (BANAT NEWS)