Sto. Nino Kings naghari sa Pulpogan summer caging
Emmanuel B. Villaruel (Banat) - June 16, 2019 - 12:00am

CEBU, Philippines — Ang Sto. Nino Kings mipatigbabaw sa Faustine, 69-62 sa sikit kaayo nilang sangka sa finals aron langkaton ang korona sa juniors division sa Barangay Pulpogan Summer Basketball Tournament didto sa Pulpogan gym sa Consolacion.

Si Rovelo Robles mikadlit og 19 puntos, samtang sila si JP Dalumpines ug Prince Soquino nagkumbinar og 26 puntos alang sa Kings  nga nakasugakod sa  lisud nga hagit sa Faustine tibuok duwa.

Nahimong triple ang selebrasyon sa Kings gumikan kay tulo sa ilang mga batos ang gipasidunggan.

Si Dalumpines gibayaw nga Season MVP, si Robles maoy Finals MVP ug Most Improved Player, samtang si Soquino maoy Rookie of the Year. Sila si Dalumpines ug Robles parehong sakop sa Consolacion Sarok Weavers nga nakaabot sa quarterfinals sa  miaging season sa Cebu Governor's Cup.

Sila si Dalumpines ug Robles giubanan sa Mythical Five nilang Carl Rodrigo, Jayde Esdrelon ug Wenard Saliot nga mao sab ang milabni sa Sportsmanship Award.

Sa laing bahin, ang Sto. Nino Kings naghari sab sa midget division, samtang ang Team Andrie maoy nanghawod sa mini category.

Ang mga MVP mao sila si Shan Tagadtad (mini) ug Jovan Capalac (midget), samtang ang Most Improved Players mao sila si Daniel Mendoza (mini) ug Kaykay Pestano (midget).

Naglangkob sa Mythical Five mao sila si Shan Tagadtad, Jences Salinas, Vergil Cabales, JE Alegado ug Dodong Sibonga sa mini ug Jovan Capalac, Vince Tortuga, Nanay Osabel, Joshua Goc-ong ug Clark Vaflor sa midget.

Gipaluyohan sa konseho sa Barangay Pulpogan ubos sa pagpangulo ni Brgy. Capt. Avelino Bihag ug SK chairman Jezril Tampus, ang maong liga ubos sa superbisyon ni commisioner Ronald Somosot inabagan ni technical committee chief Roland Yamelo. Sila si Renan Mendoza, Borres Acompanado ug Jojo Ybanes mao mga miyembro sa working committee.

STO. NINO KINGS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with