CEBU, Philippines — Sa pamasin nga matarong pa ilang kampaniya sa PBA Commissioner's Cup, ang Columbian Dyip mikuha sa 6-foot-9 veteran nga si Lester Prosper isip bag-ong import hulip sa gipapauli nga si Kyle Barone.
Si Prosper nakita ni Columbian coach John Cardel nga sakto nga import alang kanila tungod kay gawas sa gidak-on niini, taas na usab kini og kasinatian sa mga liga diin nahimo siyang import didto sa Slovakia, Sweden, Canada, Spain, Mexico, Venezuela ug United Kingdom.
Ang gipapauli nga si Barone nag-average og 25.7 points alang sa Dyip, apan si Cardel malaumon nga mas malabwan pa kini ni Prosper.
Si Prosper moabot karong semanaha diin modiretso siya og uban sa team practice sa koponan.
Gidugang ni Cardel nga positibo gihapon sila sa dagan sa koponan nga gibidahan sa mga batan-ong players nga naglakip sa No.1 rookie nga si CJ Perez. (BANAT NEWS)