Blackwater lig-ong playoff contender
CEBU, Philippines — Sayo pa gani, si super rookie Ray Parks Jr. mideklara nga ang iyang koponan nga Blackwater Elite usa ka lig-ong playoff contender sa nagpadayong PBA Commissioner's Cup.
Kini human ang Blackwater midaog sa ikaduhang sunod-sunod nga higayon dihang ilang gibihag ang defending champion Barangay Ginebra Kings sa iskor nga 108-107 sud sa overtime niadtong Biyernes.
Sa maong duwa, si Parks mirehistro og game-high 28 puntos. Ang two-time ABL MVP mipasalig nga makabawi ang Elite gikan sa ngil-ad nilang performance sa miaging All-Filipino Cup diin napakyas sila pagsud sa playoffs.
Ang Blackwater laraw nga mosakmit sa ikatulo nilang sunod-sunod nga daog sa sangka batok sa Columbian Dyip karong alas-4:30 sa hapon.
Sa main game sa alas-6:45 sa gabii, magsangka ang Meralco Bolts ug Ginebra didto sa Smart Araneta Coliseum.
- Latest
