^

Banat Palaro

Patas na ang series

Emmanuel B. Villaruel - Banat

CEBU, Philippines – Patas na ang serye sa NBA Western Conference semifinals human  makabawos ang Portland Trail Blazers sa Denver Nuggets, 97-90 sa Game-2 sa ilang 'best-of-seven' series kagahapon didto sa Pepsi Center sa Denver, Colorado.

Si C.J. McCollum mikulit og 20 puntos sa dihang ang Trail Blazers nakasugakod sa init nga endgame rally sa Denver aron tablahon ang   baraha nga 1-1.

Hilom kaayo ang gabii  sa alas sa Portland nga si Damian Lillard ug nalimitahan lang  ngadto sa 14 puntos human mipasud lamang og lima sa 17 niya ka itsa.

Apan ang double-digit scoring nilang Enes Kanter, Zach Collins, Rodney Hood ug Al-Farouq Aminu dako og natabang pagtuboy sa Blazers ngadto sa gikinahanglan nilang kadaogan. Sila si Kanter ug Hood mitali og 15 puntos matag usa, samtang sila si Aminu ug Collins parehong miiskor og 11 puntos.

Gipahimuslan sa Blazers ang bugnaw kaayong sinugdanan sa Nuggets aron pagposte og 15 puntos nga bentaha sa halftime, 50-35.

Gipaburot pa sa Blazers ang ilang labaw ngadto sa 17 puntos, apan kalit lang nga nalagsik ang Nuggets ug  migukod dayon na sa pagpaduol niini ngadto na lang sa singko puntos, 90-95 sa lay-up ni Nikola Jokic sa nahibilin nga 34 segundos sa duwa.

Apan mao na diay kadto ang katapusang utong sa Nuggets gumikan kay human gi-foul ni Mason Plumlee, si Hood kalma kaayong mipasud sa duha ka krusyal niyang free throws sa nahibiling 17 segundos sa aksiyon aron pagselyado sa daog sa Blazers.

Si Jokic maoy nangu sa Denver uban ang 16 puntos, samtang sila si Jamal Murray ug Paul Millsap nagkumbinar og 29 puntos sa pilderong koponan.

Ang Game-3   gikatakda karong Sabado didto sa  Moda Center sa Portland, Oregon.

SERIES

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with