^

University of Southern Philippines Foundation mitagak sa University of the Visayas

Emmanuel B. Villaruel (Banat) - March 6, 2019 - 12:00am

CEBU, Philippines – Ang University of Southern Philippines Foundation (USPF) Panthers mipakugang sa reigning Cebu Schools Athletic Foundation, Inc. (CESAFI) grandslam champion University of the Visayas (UV) Green Lancers, 103-92 aron  moabante sa semifinal round sa 1st  Naga City Inter-Collegiate Basketball Tournament niadtong Lunes sa gabii didto sa Enan Chiong Activity Center.

Ubos sa pagpangu sa nagkamangtas nilang Nigerian import nga si Rich Managor nga mipupo og 19 puntos, ang Panthers nakamugna og 'triple-tie' uban sa Lancers ug University of Cebu (UC) Webmasters bitbit ang managsamang 1-1 win-loss records.

Apan ang Panthers ug Webmasters maoy mibira sa duha ka semis tickets sa Bracket A kortesiya sa mas taas nilang quotient nga gigamit aron pagbuak sa panagtabla.

Milugwa ang USPF nga top qualifier uban ang quotient nga +9 points ug gisundan kini sa UC nga dunay -2. Ang UV nakakuha lamang og -7 hinungdan nga natagak kini sa torneyo nga modalit og P225,000 nga ganting salapi ngadto sa mga mananaog.

Sa Bracket B, ang University of San Jose-Recoletos (USJ-R) Jaguars milampaso sa Southwestern University (SWU)-Phinma Cobras, 75-64 aron kumpletohon ang four-team semifinal cast.

Si Elmer Echavez mikolekta og 18 puntos alang Jaguars nga sa usa ka higayon naglabaw og 20 puntos sa ikatulong kuwarter.

Sa crossover semis nga gikatakda karong Marso 10, ang Bracket B topseed University of San Carlos (USC) Warriors moharong sa UC Webmasters, samtang ang Panthers makigbugno  sa Jaguars.

Ang mga mananaog maoy mag-abot sa tagakay nga kampiyonato karong Marso 17. 

UNIVERSITY OF SOUTHERN PHILIPPINES FOUNDATION UNIVERSITY OF THE VISAYAS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with