Governor's Cup moulbo sa Marso 9
Emmanuel B. Villaruel (Banat) - March 6, 2019 - 12:00am

CEBU, Philippines – Kulbahinam nga aksiyon sa 2019 Cebu Governor's Cup Inter-Cities and Municipalities Under 21 Developmental Basketball Tournament ang gikatakdang moulbo karong Marso 9 diin 17 ka duwa ang gibahin sa walo ka nagkadaiyang  binyu sa tibuok probinsiya.

Modagan og tulo ka bulan, ang tinuig nga torneyo pormal nga gilusad sa Cebu Provincial Sports Commission (CPSC) uban ang mga representante sa tanang 41 ka partisipanteng LGUs (local government units) kagahapon didto sa Golden Peak Hotel.

"This is part of our grassroots program, and we're hoping that we could sustain it every year," matud pa ni CPSC Executive Director Atty. Ramil P. Abing.

Karong season, si Governor's Cup commissioner Danny Duran nagkanayon nga mosagop sila og bag-ong format diin ang mga contending teams gibahin  kun diin sila nasakop nga congressional districts. Moduwa sila og  single round robin, diin ang top two qualifiers magtigi sa  usa ka duwa nga district championship.

Gawas nga mobulsa og  cash incentives nga P100,000 ug P50,000, ang top  two  matag  distrito moabante sab sa quarterfinals diin sila gibahin sa duha ka grupo pinaagi sa drawing of lots. Matag bracket moduwa og laing single round robin.

Ang top two matag bracket moabante ngadto sa crossover semifinals. Ang mga mananaog maoy mag-abot sa kampiyonato sa usa ka 'best-to-three' series, samtang ang mga pildero mag-ilog sa ikatulong dapit sa tagakay nga duwa.

Ang makampiyon  gantihan og P500,000, samtang ang mopahiluna sa ikaduha hangtod sa ikaupat nga dapit makadawat og P300,000, P200,000 ug P100,000. Ang Most Valuable Player makaangkon og P10,000, samtang ang mga sakop sa Mythical Five dunay P5,000 matag usa.

Ang Talisay City Aquastars nga maoy nanghawod sa miaging tuig uban ang 14-0 record ubos sa paggiya ni coach Rey Michael Gurrea, magsugod og depensa sa ilang korona batok sa Sibonga Pillars didto sa ilang balwarte.

Sa lain pang mga duwa sa 1st District karong Sabado didto sa Talisay City Sports Complex, ang Minglanilla Archangels makigharong sa San Fernando Spartans, samtang ang Naga City Electrifiers makigtige sa Carcar City Lechoneros. Sugdan ang kumbati sa alas-4:30 sa hapon.

Ang lain pang mga season-opening games adto duwaon sa Oslob municipal gym (2nd District), Tuburan municipal gym (3rd District), Bogo City Coliseum (4th District), Catmon municipal gym (5th District A), Danao City Sports and Civic Center (5th District B),  Consolacion National High School gym (6th District) ug Dumanjug municipal gym (7th District A).

GOVERNOR'S CUP
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with