Playing time ni Davis kunhoran
CEBU, Philippines — Gipahibalo sa interim general manager sa New Orleans Pelicans nga si Danny Ferry nga ilang kunhoran ang playing time ni NBA All-Star Anthony Davis.
Gituyo sa Pelicans ang maong lakang kay daw sa wala na'y gana nga moduwa kanila si Davis nga dismayado kay wala mahatag ang iyang gusto nga magpa-trade.
Si Davis dunay average nga 36 minutos matag duwa karon nga season, apan gipaabot nga mokunhod kini sa 20 ngadto sa 25 minutos. Wala siya miduwa sa dihang giparotan sila sa Indiana Pacers, 109-107 didto sa ilang korte niadtong Pebrero 4.
Matud pa ni Ferry nga gusto sa Pelicans nga hatagan og mas taas nga playing time ang batan-on nilang mga players sa nahibiling bahin sa NBA season.
Bitbit ang 26-33 record, ang Pelicans biya og unom ka duwa alang sa ikawalo ug katapusang luna sa Western Conference playoffs.
- Latest
