PBA All-Star tarters ginganlan

CEBU, Philippines – Ginganlan na kagahapon ang   starting five sa North ug South All-Stars alang sa PBA All-Star Game nga gikatakda sa Marso 31 didto sa Calasiao, Pangasinan.

Human sa kapin usa ka buwan nga botasyon gikan sa fans, ang lima nga nakakuha og daghang botos sa North mao sila si LA Tenorio sa Barangay Ginebra Kings, Paul Lee sa Magnolia Hotshots ug Calvin Abueva sa Phoenix Fuel Masters. 

Ikauban nila silang Marcio Lassiter sa San Miguel Beermen ug Japeth Aguilar sa Ginebra.

Ang starting five sa North giatngan nga mogamit sa ilang kapaspas ilabi na  mga higante ang mobida sa South Team sa pagpangulo nila ni reigning MVP JuneMar Fajardo sa San Miguel ug Greg Slaughter sa Ginebra.

Ang veteran nga si James Yap nga nipakita nga dili pa siya laos human sa nindot niya nga duwa uban sa Rain or  Shine  Elasto Painters mibalik sa starting  five  uban nila ni Mark Barroca sa Magnolia ug Scottie Thompson sa Ginebra.

Wala pa nganli ang reserve players sa matag koponan tungod kay wala pa mahuman ang botasyon.