Dul-an 8t runners gilauman modagan sa 7-Eleven Run

CEBU, Philippines – Midabot og dul-an sa 8,000 ka mga runners ang gilaumang modagan sa Cebu leg sa 7-Eleven Run karong Domingo diha sa Cebu Business Park.

Gikalipay ni 7-Eleven Run project head Michelle Saludes  tungod kay nalabwan na nila ang 6,000 runners sa miaging tuig.

Gipasalig sa mga organizers nga andam na ang security ug marshalls aron maseguro ang kahapsay sa lumba ug ang  kaluwasan sa mga partisipante.

Ang lumba  naglangkob sa  42K, 32K, 21K, 16K, 10K, 5K, 3K ug 500m kiddie dash.

Ganting salapi ug  freebies gikan sa 7-Eleven ang madawat sa mga mananaog. Ang kampiyon sa 42K   mobulsa og  P25,000, samtang ang 32K ug 21K champion makadawat og P22,000 ug P20,000 matag usa.