Pogoy mamawi uban sa Gilas

CEBU, Philippines – Misaad ang Cebuano point guard ug kanhi PBA 'Rookie of the Year'  Roger Pogoy nga suklian ang salig ni coach Yeng Guiao, kinsa miapil kaniya sa final line-up sa Gilas Pilipinas.

Gikalipay ni Pogoy  ang pag-apil niya sa final roster sa Gilas nga moduwa sa katapusang leg sa FIBA World Cup qualifiers sunod bulan.

Si Pogoy moduwa pagbalik sa Gilas human matapupos ang  iyang lima ka duwa nga suspensiyon gikan sa FIBA tungod sa iyang kalambigitan sa rambol tali sa national team ug Australia niadtong miaging tuig.

"Kahit ano pa ang standing ng Gilas, basta ang importante ibibigay ko yung best ko," matud pa ni Pogoy sa ESPN5.

Si  Guiao dako og salig ni Pogoy nga sa  iyang  tan-aw dako og matampo sa Gilas batok Qatar ug Kazakhstan.