Alab nagsolo na's liderato

CEBU, Philippines —  Gipahimungtan sa Alab Pilipinas ang bisita nga Macau Black Bears dihang ilang kining gipilde, 106-99 aron magsolo sa liderato  sa ASEAN Basketball League sa miaging gabii didto sa San Juan Arena.

Nakarekober dayon ang Alab gikan sa ilang 72-73 nga kapildihan ngadto sa Formosa Dreams niadtong Domingo.

Si Renaldo Balkman mipabuto og 37 puntos, samtang si  Ray Parks Jr.  mitampo'g 13 puntos alang sa  7-2 nga Alab.