Cousins starter dayon sa iyang pagbalik gikan sa injury
Emmanuel B. Villaruel (Banat) - January 12, 2019 - 12:00am

CEBU, Philippines —  Ang sentro sa Golden State nga si DeMarcus Cousins, kinsa naglaraw mobalik og duwa karong Enero 18 human wala makapakitag aksiyon sud sa dul-an usa ka tuig gumikan sa injury, himuon dayon nga starter ni Warriors coach Steve Kerr sa iyang pagbalik og taak sa korte.

 

  "Yeah I'll start him," sumala pa ni Kerr ngadto sa mga tigbalita atol sa praktis sa Warriors kagahapong adlawa. "After that, everything's on the table. We have to figure out what the rotations will look like, how many minutes he can play."

Kun kini mahitabo, mosamot og kabangis ang starting line-up sa Warriors nga naglangkob nang daan nilang Stephen Curry, Kevin Durant, Draymond Green ug Klay Thompson.

Si Cousins nga usa ka four-time All-Star  nga wala na makaduwa sukad naangol ang iyang kiting sa dihang nagduwa pa siya sa New Orleans Pelicans batok sa Houston Rockets niadtong Enero 26, 2018.

Nakubit siya sa two-time defending champion Warriors atol sa free agency pinaagi sa usa ka tuig nga kontrata nga mibalor og $5.3 million.

Wala hinuon gikompirmar ni Kerr kun makaduwa na ba si Cousins sa ilang sangka batok sa Los Angeles Clippers karong Enero 18.

DEMARCUS COUSINS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with