CEBU, Philippines – Daw sa gipainit ni UFC lightweight champion Khabib Nurmagomedov ang kayo sa potensiyal niyang away batok sa wala pa'y pildeng boksidor nga si Floyd Mayweather Jr.
Nunot kini sa iyang pamahayag nga mas doble pa ang makuha nga interes sa ilang away ni Mayweather kay sa sangka sa nauwahi batok ni Conor McGregor.
Gihagit ni Khabib si Mayweather niadto pang Oktubre, apan si UFC president Dana White nagkanayon nga mag-abot lamang sila sa usa ka mixed martial arts fight ug dili sud sa boxing ring sama sa sitwasyon ni McGregor.
Gipilde ni Mayweather si McGregor pinaagi sa 10th round knockout niadtong Agosto 2017 aron pag-inat sa iyang perpekto nga rekord ngadto sa 50-0. Si Khabib wala pa sa'y pilde sa 27 ka away ubos sa UFC, apil na niini ang pagkastigo niyang McGregor sa miaging bulan.
Sa pagka karon, nag-usab-usab pa ang tono ni Mayweather kabahin sa nahauna niyang pasiatab nga bugno nilang Khabib.