Panaghiusa sekreto sa Spectrum Runners
Lemuel P. Maglinte (Banat) - October 30, 2018 - 12:00am

CEBU, Philippines — Dili malalis nga usa ang Spectrum Runners sa labing malampuson nga running club karon dinhi sa Sugbo ug napamatud-an  kini atol sa Cebu leg sa 42nd National Milo Marathon niadtong Oktubre 14 diha sa Cebu City Sports Center.

Ang Spectrum Runners ubos sa liderato sa aktibong presidente nga si Gerry Mayo, mihakot og mga  medalya sa maong tinuig ug labing dako nga lumba sa nasud nga gipaluyohan sa Nestle Phils.

Bugtong sekreto sa ilang kalampusan mao ang panaghiusa sa tanang sakop sa grupo.

Bisan pa og usa ka individual sport ang running, ang Spectrum migakos sa ilang init nga relasyon isip koponan nga maoy yawi sa tagsa-tagsa nila ka mga kalampusan.

"One Family, One Vision One Goal", kini ang alinghuna kon idea nga kanunay  gitamod  sa ilang grupo sa mabungahon nilang kalampusan.

Ang Spectrum miharos sa tanang men's champion gikan sa 3K, 5K, 10K ngadto sa 21K.

Labing masidlakon nga bitoon sa Spectrum Runners mao si Keenan Caburnay nga naghari sa 21K men's division. Lain pang misidlak sa tagsa-tagsa nila ka dibisyon mao sila si Erzincto Peonila  sa 10K,   Ruel Algufera sa 5K ug si Nexxus Ezequiel Tabar sa 3K.

Gawas sa men's champion,  laing  mikaw-it  og mga medalya mao sila si Alyssa Tabar  nga nahimutang sa ikasiyam nga dapit sa 3K  women's category, Mary Joy Loberanis nga mikapyot sa ikatulo sa 5K ug ang managsuong Cherry ug Jhean Andrin nga ikaduha ug ikalima  nga dapit sa 10K women's division.

Dul-an sab sa 20 ka   runners sa Spectrum ang naapil sa Top 10 sa tagsa-tagsa nila ka dibisyon.

Isip usa ka dako ug nagkahiusang pamilya,  ang  giisip  nga  amahan sa  grupo nga si  Mayo   mipadayag  nga  dili  lang kalampusan sa kompetisyon ilang tuyo  sa running, kon dili lakip  na  sab  ang nindot  nga  kinaiya sama sa disiplina ug gugma sa iyang mga sakop.

"Purity, patience and perseverance are the three essentials to success and, above all, love," matud pa niya.

Sa ila unyang pag-apil sa National Finals karong Disyembre didto sa Laoag, pahimuslan sa Spectrum ang ilang teamwork  aron agakon ang tagsa-tagsa nila ka mga sakop  ngadto sa bantawan sa kalampusan. (BANAT NEWS)

NATIONAL MILO MARATHON
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with