Pacquiao angay andam vs. Broner

CEBU, Philippines — Ang notadong Pinoy boxing analyst nga  si Atty. Ed Tolentino  miingon nga kinahanglan mandaman si Manny Pacquiao ang iyang sangka batok ni kanhi champion Adrien Broner sa Enero sunod tuig.

Bisan og  tune-up fight lang kini ni Pacquiao sa dili pa ang giatngan nga 'rematch' niini ni Floyd Mayweather Jr.,  si Tolentino miingon nga delikado si Broner.  Nagtuo si Tolentino  nga   makatabang ang maong tune-up fight ngadto ni Pacquiao kay mabaid  ug mas mohait pa  ang iyang abilidad inig sangka nilang Mayweather. Ang kanhi light welterweight champion nga si Broner  dili kaayo layo og estilo sa away  ni Mayweather, kinsa midaog  batok ni Pacquiao   pinaagi sa unanimous decision tulo ka tuig na ang milabay didto sa Las Vegas.