Solong liderato tuyo sa Blackwater
CEBU, Philippines – Mangambisyon ang Blackwater Elite nga motungtong sa unang dapit sa standing sa dihang sangkaon nila ang NorthPort Batang Pier sa pagbalik sa aksiyon sa PBA Governor's Cup karong adlawa didto sa Smart Araneta Coliseum.
Ang duwa sugdan sa alas-4:30 sa hapon.
Ang Blackwater bidahan gihapon sa ilang import Henry Walker, John Nard Pinto, Mike DiGregorio ug JP Erram, kansang abilidad sukdon karon sa NorthPort.
Dili hinuon angay mokompiyansa ang Elite tungod kay gutom na kaayo og daog ang Batang Pier. Ang Batang Pier wala pa katilaw og daog sa upat nila ka duwa.
Mobalik na sab og duwa sa NorthPort ang national team member nga si Stanley Pringle.
Sa main game sa alas-7 sa gabii, ang Phoenix Fuel Masters makigbangga sa Meralco Bolts.
- Latest
