Chot Reyes dili na gusto mag-coach
CEBU, Philippines — Daw gikapoyan na si multi-titled coach Chot Reyes pagdala og team ilabi na nga gipulihan siya ni Yeng Guiao isip head coach sa Gilas Pilipinas kay matud pa niya dili na siya modawat og trabaho isip coach sa bisan unsa nga basketball team.
Ang 55-anyos nga si Reyes mihukom nga hingpit na niya nga ihatag ni Guiao ang responsibilidad sa national team human usab siya gisuspenso sa FIBA tungod sa iyang kalambigitan sa nahitabong rambol tali sa Gilas ug Australia niadtong Hulyo didto sa Philippine Arena.
Miingon si Reyes nga dili usab sayon ang pagdala sa national team ug gusto na niya mopahuway sa trabaho isip coach tungod kay dugay na usab siya nagsugod sa maong trabaho sukad pa niadtong tuig 1990.
"I'm done with the daily grind of coaching," matud pa ni Reyes sa The Philippine STAR.“I started very early. It’s a toxic job to be in.”
Bisan pa niini, si Reyes mipasalig nga motabang gihapon sa Samahang Basketbol ng Pilipinas pagpalambo sa programa sa basketbol sa nasud.
- Latest