Solasco nanghawod sa CUCC anniversary mtb race

CEBU, Philippines — Ang pambato sa Team Brusko nga si Franklyn Solasco maoy nanghawod sa pro division sa 3rd Cebu United Cycling Club (CUCC) Anniversary Mountain Bike Race didto sa Dakbayan sa Talisay.  

Gihuman ni Solasco ang tres kilometros nga lumba ubos sa King of the Mountain (KOM) sud lamang sa dos minutos ug kuwatro segundos. Sila si Randy Carbonera (2:08) ug Rolly Cabaluna (2:13) nalandig sa ikaduha ug ikatulong puwesto ug gisundan nilang Jezam Baldomar (2:20) ug Anacleto Belarma (3:00).

Si Neil Kevin Guillena sa Bigwell Cycling Club maoy naghari sa category B sa oras nga 2:30. 

Sila si Abs Cinco (3:00) ug Hanzel Bacalso (3:25) maoy miokupar sa nagsunod nga duha ka luna.