2 ka pinoy weightlifters moduwa sa World Championship
CEBU, Philippines — Duha ka batan-ong weighlifters ang modala sa bandera sa Pilipinas sa World University Weightlifting Championship karong Septiyembre 20 didto sa Biala Podlaska, Poland.
Sila mao si Elreen Ann Ando sa University of Cebu ug Rowell Garcia sa University of Zamboanga. Ang duha maoy napilian tungod sa impresibo nilang gipakita sa miaging Cebu Weightlifting Association (CWA) National Students Weightlifting Championships diha sa Terraces sa Ayala Center Cebu.
Si CWA secretary-general Jude Sulla nagkanayon nga sila si Ando ug Garcia ang adunay labing taas nga Sinclair total sa tagsa-tagsa nila ka dibisyon ug sila usab ang gibayaw nga best overall weightlifter atol sa torneyo.
Ang 20-anyos nga si Ando nga misakmit og duha ka gold medals sa women's 69 kgs, mikolekta og 231.56 points, samtang si Garcia, ang hari sa men's 56 kgs., adunay 357.75 points.
- Latest
