CEBU, Philippines — Nabutang karon sa lisud nga sitwasyon ang No. 3 seed TNT KaTropa ug kuyaw pang manamilit og sayo sa playoffs.
Ang KaTropa makigsangka sa San Miguel Beermen sa Game 2 karong alas-7 sa gabii ug kinahanglan silang modaog sa ilang 'best-of-three' quarterfinals series aron may purohan pa nga moabante sa sunod round.
Sa dili pa ang ilang duwa, magsangka una ang Meralco Bolts ug Barangay Ginebra sa alas-4:30 sa hapon.
Ang KaTropa napilde sa Beeermen sa Game 1 sa iskor nga 110-121 niadtong Lunes.
Ang KaTropa mapiangan usab kay wala pa'y klaro nga makaduwa si RR Pogoy tungod sa injury.