CEBU, Philippines — Masaligon si multi-titled coach Tim Cone sa Barangay Ginebra Kings nga matarung na ang kampaniya sa iyang koponan sa PBA Commissioner's Cup human usab sa pagbalik sa iyang 7-footer center nga si Greg Slaughter.
Si Cone nalipay nga nakabalik na si Slaughter niadtong Biyernes diin mihimo kini og 12 puntos.
Si Cone miingon nga kon magpabilin lang nga himsog si Slaughter, hayan nga mulampos sila pag-abante sa finals sa Commissioner's Cup. Si Slaughter kanunay nga gihamok sa mga injuries rasun nga dili kini matunhay sa iyang pagserbisyo sa Ginebra.
Gusto ni Cone nga mabalik usab ang kondisyon sa Cebuano star center kinsa wa kaduwa og kapin sa tulo ka buwan.
"And then Greg just came back so he's not in shape," matud pa ni Cone sa PBA.com.
Ang Ginebra (1-2) tuyo nga musakmit sa ikaduha nilang daog batok sa Phoenix Fuel Masters karong Mayo 20. (BANAT NEWS)