Coach Reyes wala mahadlok ni bogut
CEBU, Philippines – Wala mahadlok si Gilas Pilipinas coach Chot Reyes sa posibleng pagduwa ni kanhi NBA champion ug bigman nga si Andrew Bogut uban sa Australia sa ilang panag-abot og usab sa 2019 FIBA World Cup qualifiers sa Hulyo.
Ang top pick sa NBA niadtong tuig 2005 gustong moduwa og balik sa Australia ilabi na nga nibiya na kini sa NBA human sa 13 ka seasons. Gustong padayonon ni Bogut ang iyang karera sa National Basketball League, ang labing dakong liga sa ilang nasud.
Si Reyes nagkanayon nga makadugang og kalig-on sa Australia ang 7-footer nga si Bogut, apan andam sila nga makigbangga niini.
Sa unang sangka sa Gilas ug Australia niadtong miaging buwan, ang Gilas nasugamak didto sa balwarte sa ilang kaatbang, 68-84. Ang Australia adunay 4-0 nga record sa Group B, samtang ang Gilas adunay 3-1 nga baraha.
Si Reyes gusto nang makasugod og ensayo pangandam sa ilang ‘rematch’ sa Australia ug padayon niyang gitun-an kun kinsa nilang JuneMar Fajardo, naturalized center Andray Blatche ug Fil-German Christian Standhardinger ang mobantay ni Bogut.
- Latest
