FYA Summer League 2018 sugdan na
CEBU, Philippines — Ang gikahinaman nga FYA Summer League 2018 Season 21 basketball tournament pormal nang buksan karong adlawa diha sa Vicente Sotto gym sa Punta Princesa, dakbayan sa Sugbo.
Walo ka teams ang mangahas pagsakmit sa korona nga pangulohan sa defending champion Yoyi’s Pastries & Dessert ni team owner Ahlmark Albaracin.
Lain pang mga koponan nga mopakita’g aksiyon uban sa ilang team owner/manager mao ang CRV ni Christian Villacastin, Harold’s Hotel ni Arnel Trinidad, Micaela nilang Noel Medalle ug Edgar Noquillo, Angel Mary Pawnshop ni McLain Alkuino, Noah ni Jobert Barro, Soontit Construction ni John Soontit ug ang The Bros nilang Raymart Gillangao ug Tiny Baran.
Magtige sila ubos sa single round robin format diin ang top 2 teams makabaton og ‘twice-to-beat’ advantage sa crossover semifinals. Ang modaog magsangka dayon sa kampiyonato.
Ang liga nahimo sa pagtambayayong sa mga opisyal sa FYA ubos sa liderato sa presidente niining si Dexter Caballero.
Lain pang opisyales sa FYA mao sila si McLain Alkuino (vice president), Allan John Abella (secretary), Jonathan Cabanes (treasurer) ug sila si Ranel Patalita, Takli Abella ug Jojie Martinez (PROs).
Si Brgy. Capt. Boy ‘Boggey’ Atillo uban nilang Arnel Trinidad ug Baeng Medalle maoy advisers.
Ang board of directors naglakip nilang Toper Marata, Noel Medalle ug Christian Villacastin.
- Latest
