CEBU, Philippines — Gibandilyo nga ‘out’ na si Gordon Hayward sa Boston Celtics sa tibuok season tungod sa bali sa iyang tiil, apan posibleng moduwa sa hinapos sa season.
Kini human nakita ang paspas nga pagrekober sa injury ni Hayward nga walay hunong sa therapy. Si Hayward hinay-hinay na karon nga nakalakaw nga walay suporta sul-ob ang iyang ankle brace.
Kahinumduman, si Hayward nakaangkon og grabeng injury diin nabali iyang tiil ug ankle atol sa unang duwa sa Celtics sa season batok sa Cleveland Cavaliers. Bisan og wala si Hayward, ang Celtics mao gihapon ang lider sa NBA sa ilang 23-5 win-loss record. (BANAT NEWS)