CEBU, Philippines — Giangkon ni coach Chot Reyes nga maglisud siya pagpagawas sa Final 12 sa Gilas Pilipinas nga moduwa sa FIBA World Cup qualifiers nga sugdan karong Nobiyembre 24 didto sa Japan.
Usa ka semana sa dili pa nila sangkaon ang Japan, si Reyes wala pa kahagpat sa iyang Final 12 ug usa sa rason niini mao ang kakuwang nila sa preparasyon.
Si Reyes miingon nga nakadugang usab sa iyang huna-hunaon mao ang wala pa pagpatim-aw ni naturalized center Andray Blatche.
Kagahapon, ang Gilas miduwa og tune-up game batok sa Rain or Shine Elasto Painters diin mipakita og aksiyon alang sa national team mao sila si JuneMar Fajardo, Japeth Aguilar, Raymund Almazan, Troy Rosario, Gabe Norwood, Allein Maliksi, Matthew Wright, Calvin Abueva, Mac Belo, Kiefer Ravena, RR Pogoy, Carl Bryan Cruz ug Jayson Castro. (BANAT NEWS)