1,000 runners na nagparehistro alang sa CBX Anniversary Run
CEBU, Philippines - Miabot na sa 1,000 ang mipadayag sa ilang intensiyon nga modagan sa CBX Anniversary Run karong Domingo diha sa Negros Road sa Cebu Business Park.
Si Margie Lim sa CBX Corporation miawhag niadtong gustong mosalmot nga magparehistro na aron dili mahutdan sa slots.
Makadugang sa kalingaw sa maong lumba mao ang color bubble nga itira sa runners atol sa lumba nga naglangkob og 12K, 6K ug 3K.
Moabot ngadto sa P150,000 nga kantidad sa mga I.T gadgets ang madaog sa mga entrante atol sa raffle draw human sa lumba. Ang top finishers kada kategoriya makadawat og mga special prizes ug medals.
Niadtong interesado, mahimong moparehistro sa Runnr Store Ayala, Toby's Sports CBX Stores sa North Reclamation Area ug Jones Branch ug sa Cebu City Sports Center.
Ang registration fee nagkantidad og P450. (BANAT NEWS)
- Latest