CEBU, Philippines - Nangambisyon ang Boston Celtics ug Golden State Warriors nga moiskor og 3-0 nga bentaha sa dihang ilang sulngon ang tagsa-tagsa nila ka kaatbang karong adlawa sa nagpadayong NBA playoffs sa managlahing binyu.
Ang Celtics moharong sa Washington Wizards sa Game-3 sa Eastern Conference semifinals.
Nangandam na hinuon si Celtics superstar Isaiah Thomas ug kaubanan sa pagahimuong panimalos sa Wizards nga gipangulohan ni All-Star John Wall.
Ang Wizards usa sa mga koponan nga lisud pildihon sa ilang balwarte didto sa Verizon Center.
Didto sa Vivint Smart Home Arena sa Utah, ang reigning Western Conference champion nga Warriors tuyo nga modominar batok sa home team nga Jazz.
Ang Warriors nga gibidahan nila ni Kevin Durant, Stephen Curry ug Klay Thompson milatos sa Jazz sa unang duha nila ka duwa. (BANAT NEWS)