1st Governor's Cup buksan sa Abril 9
Lemuel P. Maglinte (Banat) - April 2, 2017 - 12:00am

CEBU, Philippines -  Moabot ngadto sa 38 ka teams gikan sa nagkadaiyang siyudad ug lungsod sa Probinsiya sa Sugbo ang magtigi sa labing unang Governor’s Cup Basketball Tournament nga  gikatakdang sugdan sa Abril 9 diha sa Cebu Coliseum.

Gipasiugdahan sa Cebu Provincial Sports Commission, ang maong event laraw nga mopalig-on sa grassroots basketball program sa probinsiya. Ang mga koponan gibahin sa duha North ug South divisions.

Moduwa sa North mao ang  Consolacion, Lilo-an, Compostela, Mandaue City, Pilar, Carmen, Sogod, Borbon, Tuburan, Asturias, Balamban, Danao City, San Remigio, Medellin, Bogo City, Santa Fe, Bantayan ug Madridejos.

Sa  South mao ang Talisay City, City of Naga, San Fernando, Sibonga, Argao, Dalaguete, Minglanilla, Alcoy, Boljoon, Oslob, Samboan, Santander, Ginatilan, Alegria, Badian, Alcantara, Dumanjug, Barili ug Toledo City.

Si CPSC executive director Atty. Ramil Abing nagkanayon nga ang mga binyu na lang sa duwa ang ilang gipinalisar. Tulo ka paresan ang magduwa matag playdate sa matag division.

Si Governor Hilario Davide III maoy mangulo sa mga pinasidunggang dinapit atol sa opening ceremony.  Ang Tudela ug  Pilar maoy unang magsangka human sa seremonyas, samtang ang Oslob ug Samboan magtigi sa ikaduhang duwa.

Adunay  exhibition game human sa opening ceremony tali sa mga sakop sa  Provincial Board batok  Mayors sa nagkadaiyang local government units.

Gawas sa tropeyo, ang kampiyon mobulsa og P500,000, samtang ang runner-up makadawat og P300,000. Ang topseeds sa matag bracket makadawat  og P20,000 matag usa, samtang ang mga second seeds mobulsa og P10,000. (BANAT NEWS)

GOVERNOR’S CUP BASKETBALL TOURNAMENT
Philstar
Facebook
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with