CEBU, Philippines - Nakaangkon og seryosong injury ang rookie sa Blackwater Elite rookie ug Gilas Pilipinas cadet nga si Art dela Cruz sa unang adlaw sa team practice sa nasudnong koponan niadtong Martes didto sa Tagaytay.
Ang 6-foot-4 nga si Dela Cruz usa unta sa mga batan-ong national team prospect ni Gilas coach Chot Reyes tungod sa nindot niyang gipakita sa miaging All-Filipino Cup diin mi-average siya og 14 points.
Si Blackwater team manager Johnson Martines nagkanayon nga nahugno sila human masayod sa maong balita gikan ni Gilas team manager Butch Antonio. Gawas ni Dela Cruz, dili usab kapahimuslan og maayo sa Blackwater ang ilang No.1 rookie nga si Mac Belo sa Commissioner’s Cup kay apil sab siya sa Gilas cadet. (BANAT NEWS)