Igsuong koponan magsangka sa PBA karon
Lemuel P. Maglinte (Banat) - January 7, 2017 - 8:12pm

CEBU, Philippines - Masukod karon sa  Barangay Ginebra San Miguel kun aduna ba sila’y katakus nga moabante sa finals sa All-Filipino Cup sa ilang pakigsangka sa league leader  San Miguel Beermen karong gabii didto sa Smart Araneta Coliseum.
Ang Ginebra makigsangka sa  igsuon nilang koponan San Miguel sa alas-7 sa gabii human sa sangka sa Rain or Shine Elasto Painters ug Phoenix Fuel Masters.
Si Ginebra coach Tim Cone nagkanayon nga usa ka agresibo nga San Miguel ang ilang gipangandaman karon tungod  kay gusto nga mobawos kanila ang Beermen.
Nasayran nga ang  Ginebra maoy mitagak sa San Miguel sa semifinals sa Governors’ Cup sa miaging tuig.
Miangkon hinuon si Cone  nga mas inilog  ang Beermen tungod kay gawas nga walay import sa tagsa-tagsa ka koponan, nindot usab ang gipakita sa mga karaang sinaligan sa San Miguel  ubos sa liderato ni three-time MVP JuneMar Fajardo.
Uban ni Fajardo nga mohatag og labad sa ulo ni Cone mao sila si Arwind Santos, Marcio Lassiter, Gabby Espinas ug Alex Cabagnot, kinsa siyento porsiyento na nga kondisyon human mabuak ang ilong niini.
Pangayuon  ni Cone ang hiniusang paningkamot sa iyang mga batos aron mapukan nila ang Beermen (6-1) ug ang ilang kadaugan maoy  mohatod kanila ngadto sa playoffs.
Ang Ginebra mosandig nila ni Japeth Aguilar, LA Tenorio, Scottie Thompson, Sol Mercado ug Mark Caguioa. (BANAT NEWS)  

BARANGAY GINEBRA SAN MIGUEL
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with