Alapag wala pa’y seguro kun mopadayon ba duwa sa PBA

CEBU, Philippines - Wala pa’y seguro kun mopadayon ba sa pagduwa  si veteran Jimmy Alapag   human siya mihaw-as sa retirement sa PBA karong tuiga

Si Alapag sa Meralco Bolts nagkanayon nga makig-estorya pa siya uban sa mga kadagkuan sa  koponan ug ni coach Norman Black aron ipahibalo iyang desisyon kabahin sa iyang playing career sa PBA.

Moduwa man  o dili, si Alapag positibo nga ang Meralco mahimong usa ka lig-ong title contender sa liga ug dili na imposible alang sa franchise nga modaog sa  labing unang PBA title.

Ang Meralco mihimo og usa ka impresibong kampanya sa Governors’ Cup pinaagi sa pagsulod sa finals gikan sa ikaupat nga luna human sa eliminations. (BANAT NEWS)