CEBU, Philippines - Misakiyo og siyam ka golds ang Dancesport-Team Cebu City atol sa 2016 DanceSport Council of the Philippines, Inc. (DSCPI) Mid-Year Ranking and Competition kagahapon didto sa PhilSports Arena.
Gawas sa mga bulawan, ang Team Cebu aduna usab usa ka dosena nga silvers ug unom ka bronze medals.
Nangulo sa kampanya sa DTCC si Eleanor Hayco kinsa midaog sa latin ug standard division. Misidlak usab sila si Jake Emmanuel Corro ug Andrea Kiem Capangpangan sa junior A latin, samtang ang tandem nila ni Gylle Nino Diluvio ug Julia Branzuela daog sa standard division.
Laing mga gold medallists mao sila si Simon Asuque ug Rylyn Jhea Romeo (junior C standard), Crispin Sato, Jr. ug Yedda Marie Castanares (youth C),Jaydel Fresh Pat ug Angel Therese Epe (juvenile A standard), Jeffrey Ruben Benarao ug Therese Andrea Quilaton (grade B latin) ug Jesse Yap ug Diane James (teacher-student 2A standard). — (BANAT NEWS)