CEBU, Philippines - Sila si Kim Remolino ug Raven Faith Alcoseba pulos misutoy sa finish line aron mudaog sa tagsa-tagsa nila ka dibisyon sa Dip N Dash Aquathlon niadtong miaging adlaw didto sa Green Lagoon sa Compostela, Cebu.
Si Remolino mipilde sa laing banggiitang triathlete nga si Paul Jumamil alang sa overall mens title. Si Remolino mitapos sa lumba sud sa usa ka oras, 13 minutos ug 11 segundos, samtang si Jumamil nabiyaan lang og 38 segundos. Mitugpa sa ikatulo si Jorry Ycong sa oras nga 1:14:49.
Sa iyang bahin si Alcoseba mipatigbabaw sa womens class sa oras nga 1:32:20, samtang si Karen Andrea Manayo ug Cianyl Gonzales nagsunod sa ikaduha ug ikatulong dapit sa oras nga 1:37:49 ug 1:43:24.
Mga midaog sa age-groups naglakip nila ni Alton Amor (19-below), Franz Baguio (30-39), June Marq Ocana (30-39 womens), Tony Cobardo (40-49) ug Mary Luz Shimizu (40-49 womens). (LPM)(BANAT NEWS)