CEBU, Philippines - Pakyas ang University of San Jose-Recoletos spiking Jaguars pagsakmit sa men’s division trophy sa 2016 Nestea Beach Volley championships kagahapon didto sa Boracay Island.
Naigo sa kakapoy ang tandem nila ni Kent Jay Verbosidad ug Alastair Gairanod hinungdan nga gipilde sila sa University of Santo Tomas, 21-11, 21-18.
Sa wala pa ang finals, ang Jaguars miduwa na batok sa Mapua Institute of Technology alang sa semis slot ug gisundan sa ilang makutas nga three set game batok sa laing Cebuano team nga Southwestern University, 31-33, 21-17, 15-13.
Sa women’s class, ang SWU Lady Spikers nanamilit human sila gipalagpot sa San Sebastian College, 12-21, 20-22, 15-13. (BANAT NEWS)