^

Basa mikulata ni Marava sa ALA amateur series

Lemuel P. Maglinte (Banat) - January 18, 2016 - 9:00am

CEBU, Philippines – Ang bantamweight nga si Dominique Basa sa Sultan Kudarat miiskor og impresibong second round technical knockout nga kadaugan batok sa pambato sa Team Mandaue nga si Jimboy Marava atol sa ALA Boxing Fitness Amateur boxing series niadtong miaging gabii didto sa Gaisano Countrymall carpark sa Barangay Banilad, siyudad sa  Sugbo.

Human sa kulbahinam nga binakbakay sa first round, si Basa mipatugpa og bangis nga hook sa ulo nga mitay-og ni Marava. Gisundan dayon niya kini og kombinasyon nga mipugos sa referee pag-undang sa away sa katapusang minuto sa second round.

Si Dominique Casanares sa Pit-os National High School mipaundang ni Jess Taves sa Consolacion sa first round sa ilang sangka sa 52 kgs., samtang ang teammate ni Marava nga si Junriel Mobe mikulata ni Mark Panganan sa Lapu-Lapu City sa 40 kgs. division.

Duha ka boksidor sa Team Mandaue ang nakahiagom og unanimous decision nga kapildihan dihang si Ken Albert Bellita gipilde ni Jake Mendez sa Cabancalan, samtang si Arcen Cañete napukan ngadto ni Dariel Diamante.

Si Patrick Gantuangco sa Cabancalan nakaipsot pinaagi sa split decision batok ni Jomar Caspe ubos sa 50 kgs. division, samtang ang minimumweight nga si Clark Sanchez sa Toledo midaog pinaagi sa puntos batok Dennis Balateria. Ang pambato sa University of the Visayas midominar pinaagi sa unanimous decision batok ni JJ Juntong sa Phil-Aust Boxing Club.

Human sa kulbahinam nga amateur bouts, ang mga ALA Boxing stars nga sila si ‘Prince’ Albert Pagara, Mark ‘Magnifico’ Magsayo ug Kevin Jake Cataraja mipakita nga andam na sila sa nagsingabot nilang sangka pinaagi sa usa ka public sparring alang sa ilang tagsa-tagsa ka sangka sa   “Pinoy Pride 35: Stars of the Future” boxing event sa Pebrero 27 diha sa Waterfront Cebu City Hotel and Casino. (BANAT NEWS)

ALBERT PAGARA ANG ARCEN CA BARANGAY BANILAD BOXING FITNESS AMATEUR CABANCALAN CLARK SANCHEZ DARIEL DIAMANTE DENNIS BALATERIA NGA TEAM MANDAUE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with