CEBU, Philippines - Ang 3 Aces Sportswear nga kasagaran gibitoon og mga magduduwa gikan sa Cebu Institute of Technology-University (CIT-U) Wildcats mosalmot og usa ka torneyo didto sa Tagoloan sa Cagayan de Oro City.
Ubos sa giya ni coach Bembem Alcaraz, ang 3 Aces Sportswear gikatakda nga molarga paingon sa Cagayan de Oro karong Huwebes sa gabii.
Ang 3 Aces Sportswear nga gipanag-iya ra usab sa asawa ni coach Bembem nga si Luna Alcaraz gilangkuban nilang John Anthony Lucena, Junard Caparida, Junior Isaac, Jose Alan Dimco, Niño Batiquin Jr., Jesse Aloro Jr., Joshua Romelle dela Cerna, Mariel Muñez, Wilkin Lemuel Sanchez Jr. ug sa batan-on nga si ex-CIT-U Wildkittens nga si Jonher Espina.
Si Espina, 18-anyos maoy labing bata nga sakop sa 3 Aces Sportswear ug siya sab ang 3-point king sa miaging season nga Indie basketball league. (BANAT PALARO)