CEBU, Philippines – Natabla na nila ang rekord nga labing nindot nga sugod sa kasaysayan sa NBA, 15-0, apan atngan karon kun hingpit bang malabwan sa defending champion Golden State Warriors ang maong rekord.
Ang Warriors nga gibitoonan ni reigning MVP Stephen Curry makigduwa karon batok sa Los Angeles Lakers didto sa ilang balwarte sa Oracle Arena diin daku ilang kahigayonan nga morehistro sa ilang ika-16 nga sunod-sunod nga daog.
Ang Warriors mobuak sa record nga girehistro sa Washington Capitols niadtong tuig 1949 ug Houston Rockets niadtong 1994 kun modaog sila batok sa Lakers.
Nagkanayon si Curry nga dili nila palabyon ang kahigayonan nga masakmit ang rekord tungod kay tagsa ra kini mahitabo nga mabutang sa kasaysayan sa NBA. (BANAT NEWS)