CEBU, Philippines – Sugdan na ang tinuig nga Carcar Mayor’s Cup basketball tournament diin maoy magsangka sa opening game ang Joemangs batok sa Espina Agrivet sa alas-7 sa gabii didto sa Carcar City gym.
Sa main game nga gitakda sa alas-8:30 sa gabii, magsangka ang ASPA batok sa Abrenica Engineering.
Lain pang duha ka teams nga mopakita’g aksiyon mao ang Paulo Luna Beach Resort ug LT Consolacion, nga maoy gihulip sa miatras nga UV Samsam Gullas team.
Ang mga teams gibahin sa duha ka grupo.
Matud pa ni commissioner Julie Flores nga ang matag team moduwa kaduha sa dili pa sila moabante sa double crossover semifinals.
Ang top two teams maoy moabante sa finals, samtang ang laing duha ka teams magsangka sa ikatulong puwesto.
Ang champion makadawat og P50,000, ang second placer makaangkon og P30,000 ug ang third placer mobulsa’g P20,000. Ang fourth placer makadawat og P10,000. (BANAT NEWS)