CEBU, Philippines – Midaog dayon ang Boss John ug ang Cebu Movers System, Inc. sa pagbukas sa 1st Game On “Warriors Cup” basketball tournament niadtong Domingo didto sa Cebu Coliseum.
Ang Boss John mipukan sa Shohuko 5.0 sa iskor nga 64-54, samtang ang Cebu Movers System ni Dr. Boy Te
mipilde sa Cebu Bai.com, 65-53.
Si Aldred Du maoy nangu sa Boss John sa iyang 31 puntos, Christopher Millan midugang og 18 puntos, samtang si Glenn Padilla miamot og 11 puntos.
Silang Bryan Mendoza, Jerly Dy ug Joseph Jayme pulos sab miposa’g double figures alang sa Shohuko 5-0.
Sa laing bahin, si Christian Palima miburak og 16 puntos alang sa Cebu Movers, samtang silang Lester Dajao ug Efraim Oporto miabuno’g 15 puntos matag usa ug Aries Magdales miamot og 12 puntos.
Ang Cebu Bai.com gipangulohan ni Ian dela Fuente sa iyang 22 puntos ug midugang si Val Cinco og 16 puntos.
Puntos matag usa
Unang duwa:
Boss John (64) – Du 31, Millan 18, Padillo 11, Seno 4.
Shohuko 5.0 (54) – Mendoza 16, Dy 14, Jayme 13, Wenceslao 5, Bender 3, Siaton 3.
Ikaduhang duwa:
Cebu Movers System (65) – Palima 16, Dajao 15, Oporto 15, Magdales 12, Mauro 6, Doblas 5, Te 2.
Cebu Bai.com (53) – Dela Fuente 22, Cinco 16, Poce 7, Resolio 6, Agnarral 2. (BANAT NEWS)